Ted Trainer

Este wiki nace o 21 de decembro de 2016 (solsticio de verán en Nova Gales do Sur) coa intención de presentar a figura e obra de Frederick (Ted) Trainer ás personas falantes de linguas da Península Ibérica. É unha iniciativa da Asociación Touda e do Instituto Resiliencia. Colaboran en labores de tradución: Ariadna Uve, Miquel Tort (Argelaguer en Transició) e Ramóm Flores d'as Seixas (Véspera de Nada).

Frederick E. Ted Trainer (1941) é un activista e autor australiano recoñecido internacionalmente no ámbito da divulgación do Teito do petróleo e entre os movementos a prol dunha Transición a un mundo post-petróleo. Foi profesor na Universidade de Nova Gales do Sur (Sidney) desde a década de 1970, onde tamén ostentou o cargo de profesor adxunto honorario en Traballo Social. Ademais de xerir un espazo para a práctica da permacultura e da vida simple con fins divulgativos nas proximidades de Sidney, é un dos principais referentes do Simplicity Institute australiano.

Publicou numerosos artigos en revistas internacionais, así como diversos libros, principalmente acerca da cuestión da sustentabilidade. Unha das súas obras máis coñecidas e referenciadas até agora é Renewable energy cannot sustain a consumer society, publicada por Springer en 2007. Baixo a denominación de The Simpler Way (a Vía da Simplicidade) ten desenvolto unha das propostas máis completas até o de agora de transición ecosocial, detallada en The Transition to a Sustainable and Just World (2010), libro que en 2017 ve por fin a luz na súa edición en castelán, revisada e ampliada para a ocasión polo propio autor. La Vía de la Simplicidad: Hacia un mundo sostenible y justo é, sen dúbida, a obra máis importante da súa carreira e a de meirande trascedencia para o futuro da Humanidade.

(Ningún, polo de agora.)

• La vía de la simplicidad. Hacia un mundo sostenible y justo (Ed. Trotta, dispoñible en librarías a partir do 23 de xaneiro de 2017).
  

En La Vía de la Simplicidad cristalizan as temáticas que caracterizan o conxunto da obra de Trainer. O seu punto de partida é o seguinte: a nosa forma de vivir é insostible, e esta insostibilidade non só é material senón tamén social-cultural. A primeira parte do libro abrangue unha análise de todos os elementos que conforman este escenario de insostibilidade multidimensional. Trainer dedica o resto do libro a desenvolver unha propuesta práctica e estratéxica que nos permita non soamente sobrevivir ao colapso civilizatorio que parece achegarse senón construir unha nova forma de vivir mellor con menos. Para unificar tanto a súa estratexia como o horizonte de vida que propón, acuña o termo da Vía da Simplicidade (The Simpler Way), caracterizada por: modos de vida moito máis simples; economías de pequena escala, autosuficientes, baixo control social, sen crecemento e orientadas a satisfacer necesidades reais no canto de ao lucro; sistemas de goberno locais mediante democracia directa e funcionamento cooperativo; e unha radical mudanza de valores e de visión do mundo.

“No tempo de desconto no que estamos, avanzando a toda velocidade caro ao colapso das sociedades industriais, algunhas das mellores cabezas do planeta —e dos corazóns más nobles— seguen a formular alternativas que tratan de evitar o peor desa catástrofe histórica e abrir opcións para a vida boa. Nese esfuerzo, este libro de Ted Trainer ocupa un lugar sobresaínte. Poderán ou non compartirse os detalles das respostas que ofrece, pero non cabe ningunha dúbida de que todas as súas preguntas son pertinentes.” (Jorge Riechmann)

“Mostra que a insustentabilidade non é sós material, senón tamén social e cultural. Desenvolve propostas prácticas para podermos sobrevivir ao colapso de civilización, como construír unha nova forma de vivir mellor con menos: economías de pequena escala, autosuficientes, baixo control social, sen crecemento e orientadas a satisfacer as necesidades reais en troca do lucro; sistemas de goberno locais baseados na democracia directa, o funcionamento cooperativo, e unha mudanza radical de valores e de visión do mundo.” (Joan Carrera)

(De máis recente a máis antigo.)

• Casal Lodeiro, Manuel (2016): “A Vía da Simplicidade (The Simpler Way)”, no seu blog persoal De(s)varia materia (21/12/2016).
• Asociación Véspera de Nada por unha Galiza sen petróleo (2012): Ted Trainer: «O obxectivo non é loitar contra a sociedade capitalista, senón construír a súa alternativa» (04/01/2012).

• María Rúa (2017): Ted Trainer: la vía de la simplicidad (entrevista con subtítulos en castelán).
• Happen Films (2016): A Simpler Way: Crisis as Opportunity (subtítulado en castelán pola Asociación Touda).
  • Se os subtítulos non aparecen directamente en castelán, terás que trocalos manualmente na configuración do vídeo (rodiña dentada na parte inferior dereita do mesmo).
  • Happen Films (2015): Ted Trainer Interview on 'The Simpler Way'.

“​Levamos aprendendo de Ted Trainer desde os anos oitenta, cando soubemos del a través de libros como Developed to Death (1989). Este activista e pensador australiano desenrolou unha reflexión lúcida e incisiva nos ámbitos da crítica a desenvolvimentismo,​ a análise da crisis ecolóxico-social e a formulación de alternativas decrecentistas (a Vía da Simplicidade). Agora que xa está máis preto dos oitenta anos ca dos setenta, é o momento de dicir con forza: grazas, Ted!” (Jorge Riechmann)

“Termos presentes os bos exemplos. Non só desde o punto de vista intelectual, para nos axudaren a razoar e entender mellor o mundo, senón tamén para nos amosaren na práctica que é posible vivir ben doutra maneira. Isto xa é moito. Mais se lle sumamos as doses precisas para ollar limpamente as dificultades dalgunhas das nosas ideas para transformar a sociedade y evitarmos o autoengano, daquela non temos máis remedio que recoñecer que, tanto a figura de Ted Trainer, como as súas múltiplas achegas (entre as que sobrancea La vía de la Simplicidad: Hacia un mundo sostenible y justo), resultan unha brúxula imprescindible.” (Óscar Carpintero).

“Ted Trainer leva moitos anos promovendo unha visión dun futuro poscrecemento local e cooperativo. Ao mesmo tempo, amósanos a futilidade práctica de tentarmos manter o consumismo e o crecimiento con máxicas novas tecnoloxías. Responsables de políticas públicas convencionais e as máis coñecidas organizacións ecoloxistas premiaron a súa contribución claramente significativa ao noso debate colectivo acerca da sustentabilidade simplemente ignorándoa. Trainer ofrécenos a auténtica verdade incómoda, unha verdade que malia todo non podemos eludir.” (Richard Heinberg)

“Un mestre cuxa mensaxe levaremos connosco cada vez que vaiamos cultivar a nosa horta, cada vez que pensemos na educación que damos ás nosas fillas e fillos, cada vez que sintamos a náusea ante o que nos rodea. Aínda que actualmente o eco da súa mensaxe apenas se escoite fóra de certos círculos activistas internacionais —principalmente de países de lingua inglesa—, estou convencido de que as súas ideas serán unha semente que ha frutificar en moitos lugares.” (Manuel Casal Lodeiro)

“O pensador australiano constitúe un exemplo desa coherencia que lles reclamamos aos teóricos sociais, pois co seu sinxelo modo de vivir demostra que é posible unha boa vida, e como moitas persoas implicadas en modos de vida tradicional ou ecoaldeas, afirma que é posible levar vidas idílicas con pouco máis ca unhas poucas ferramentas manuais e materiais naturais de orixe local, e sentindo a seguridade do soporte da propia comunidade.” (Manuel Casal Lodeiro)

“Ted Trainer é un dos autores que máis fincapé fai na necesaria transformación nun sentido profundo dos actuais sistemas educativos nas sociedades industrializadas, como paso imprescindible na creación dunha nova sociedade máis xusta e resiliente.” (Manuel Casal Lodeiro)

• Citas de Ted en galego.

(Os libros, artigos, etc. publicados noutras linguas están referenciados nas páxinas dedicadas a eses idiomas e non se inclúen nesta.)

• Índice deste wiki en castelán.
• Índice en portugués.
• Índice en catalán.
• Índice en euskera.
• Web oficial de Ted Trainer en inglés.
• Páxina de Ted Trainer na Wikipedia.